एक निवेदन गौड ब्राह्मण सभेचे सभासद आणि देणगीदार यांच्यासाठी...

गौड ब्राह्मण सभा या आपल्या १२५ वर्षाच्या ज्ञातीसंस्थेबाबत सर्वाँना आस्था आहे.. ज्ञातीतील सर्वच लोकांच्या आणि प्रतिष्ठित मान्यवरांच्या सहकार्यामुळे आजवरचा संस्थेचा कारभार उत्तम प्रकारे चाललेला आहे त्यात आपल्या ज्ञातीतील अनेक मान्यवरांचे सहकार्य आणि त्यांनी कठीण काळातही संस्थेचा कारभार व्यवस्थित चालण्यासाठी घेतलेले अपार कष्ट याची जाणीव सर्व ज्ञाती बांधवांना आहे ..

मागील वर्षभरात आणि विशेष करून मागील वर्षीच्या के.पी.एल नंतर संस्थेच्या विरोधात काही तक्रारी सुरू झाल्या. त्यापैकी कोणीही संस्थेकडे रीतसर पत्र व्यवहार करून आपले म्हणणे मांडून शंका निरसन करून घेण्यापेक्षा सहज उपलब्ध असलेल्या सोशल मीडियातून अपप्रचार सुरू केला. काही निनावी पत्रे आली. या लोकांनी केलेल्या तक्रारीही अपुऱ्या आणि कुणीतरी सांगितलेल्या माहितीच्या आधारे होत्या. त्यामुळे सोशल मीडियाच्या माध्यमातून त्याला उत्तर देणे योग्य नव्हते. अलीकडे याच विषयात एका सन्माननीय सदस्यांकडून संस्थेला नोटीस मिळाली आहे तिला संस्था उत्तर देईलच.

ही माहिती या ना त्या मार्गाने आपल्या पर्यंत आली असणार..

या बाबतीत संस्थेच्यावतीने आम्ही आपणास विश्वास देतो की संस्थेत कोणताही गैरप्रकार झालेला नाही. संस्थेच्या सर्व गुंतवणूक सरकारी कर्ज रोख्यात सुरक्षित असून त्यावर मिळणाऱ्या उत्पन्नातून संस्थेच्या उद्दिष्टावरील खर्च केला जातो. संस्थेचे सर्व उपक्रम व्यवस्थित सुरू आहेत. नियमितपणे कार्यकारी मंडळाच्या सभा होतात. कार्यकारी मंडळ पदाधिकाऱ्यांची निवड संस्थेच्या घटनेतील तरतुदी नुसारच केली जाते, वार्षिक हिशेब, ऑडिट, खर्चाचे अंदाजपत्रक, धर्मादाय आयुक्तांकडे सादर करायची विवरणे, इन्कम टॅक्स रिटर्न्स सर्व वेळच्या वेळी सादर केली जातात. वर्षातून चारवेळा प्रसिद्ध होणारे त्रैमासिक व्यवस्थितपणे प्रसिद्ध होऊन सर्व सभासदांना पाठविले जाते.

आमची आपणास विनंती आहे की संस्थेच्या विरुद्ध केला जात असलेल्या अपप्रचार पाहून आपण संस्थेच्या कारभारा विषयी गैरसमज करून घेऊ नये. आपल्याला संस्थेच्याबाबत काही माहिती हवी असेल, संस्थेच्या कारभाराबाबत आपल्या काही तक्रारी असतील तर संस्थेस पत्र लिहून किंवा फोन, ईमेल द्वारे संपर्क करावा. संस्था आपल्याला सर्व माहिती देऊन आपल्या तक्रारीचे निरसन करण्याचा नक्की प्रयत्न करेल...

संस्थेवरील आपला लोभ आणि विश्वास अबाधित राहील यासाठी आम्ही कटिबद्ध आहोत.

प्रो. जगदीश साबाजी वालावलकर (अध्यक्ष)
मधुकर दयानंद सामंत (उपाध्यक्ष)
न. ना. पंतवालावलकर (विश्वस्त)
रमाकांत पितांबर देसाई (विश्वस्त)
अनंत वासुदेव प्रभू (विश्वस्त)
२०.०३.२०२३